صوت الحقيقة: محمد بيتي
حنا اولاد الشعب وشكون انتوما
كرامتنا فالذل و حالتنا مقهورة
و ف سوق النخاسة منشورة
تهضر عليك لعتاب واللومة
طبقة مذعورة وطبقة
فخير لبلاد منعومة
م گالوا حرام م گالوا حشومة
شكون ينصف لعباد المحرومة
حنا اولاد الشعب وشكون انتوما
شكوانا للعالي ينصف الناس المضيومة
تعزينا فحياتنا ومن فقرنا درتو
الگرمومة
وهمتونا بالوعد الممسوخ وحسبتونا
دمدومة
نتوما لبسين الحرير واحنا
م كسيين ب العرا وسندالة حلومة
عايشين فالزيار واكبادنا مكلومة
والفقصة فصدرنا موشومة
وكلمات حسبنها عسل وهي مسمومة
بينتوا لنا الجنة فعين الديك
والفواقع لا يديك ولا يخليك
صبغتونا بالطاعة والتملاق
لا مستقبل لا آفاق
فين البسمة و اليد لحنينة
يمدها اللي بغا يشرينا
يوم يدخل القبة يقلب وجهو علينا
وديما نفس الدوامة
يمثلونا النوامة يدخلوا
القبة ملاويين وخرجوا محابين
ولينا الله يحمينا من الحگرة والأنين
بيتي محمد
