بقلم سميرة بار
جمعة مباركة أخواتي و إخواني، نتمنى تكونو ستمتعتوا بالكصعه ديالكم.
كنا جالسين ما علينا ما بينا حتى لقينا واحد الأخت تعمل بمقولة الناقد و الروائي اللي من تريكت موليير أناتول فرانس اللي كيقول فيها:”المرأة هي مكونة المجتمع ولها عليه تمام السلطة، حيت لا يعمل فيه شيء إلا بها و لأجلها”.
راه السيدة محزمه و مرزمه و شاده لوطوروت و لكن غير ب 120 كلم، قالت لك منفوتش السرعة المحدده ليه قانونيا، ماشي حيت خايفه دير كسيدها، ألااااااااا السيده مطوره و قاريه سواريها مزيان، واشنو………..راها عارفه الطريق مافيها ثقه و عامره حفاري و فيراجاتها صعاب، و كيف كنعرفو الله احفظنا هد الأيام شتى و الريح و ضباب غير هما اللي عطاهم الله، يعني خاصها تعرف كيفاش دوزهم على خير، خصوصا الطريق اللي شاده راها طويله و باقي ما ضرب فيها، الله إديها على خير.
إلى بغينا الحق ماشي خوه راه نجيبه العميقه هرسات لبريارات و صرعات قفز الحواجز، و بيني و بينكم كتستاهل نقولو عليها مرأه و قاده، راه بنت لهم كسرت الصمت و هزات لميكرو و نتافضات.
و كتبقى فاللخر هي المرأة التي صنعت المعجزات بعدما اخترقت ضو مين كان حكر على الرجال بإمتياز اللي كنسميه”انا من صنع و انا من سيتربع كرسي القياده”.
فعلا نجيبه احكمت الهجمه و جابت الربحه لفريق نون النسوا، قلبت الموازين و جعلت من حرف التاء سيد المكان.
و باش نبسط للقرأ الاحباء انقول مباشره لنجيبه العميقه” الف مبروك أيتها الإعلامية الرفيقة اسستي اول نقابه لتدافعي على الزملاء الغلابه و الأهم انها بقيادة تاء النسوة”.
و لكن بلاتي ثاني باش نبقى معقوله و مزيانه راه النقابات اللي كاينين مكعنيش أنهم نائمين، لا لا لا لا حشا راه بوزنهم و مقامهم و شانهم و خدامين بالفور يا الشيفور، غير هما شادين و سالكين منهج تقليدي و قديم، ماشي بحال نجيبه العميقه اللي قلبات الموازين، و من هذا المنبر انطلب منهم كخوتنا فالحرفه اساندوها و يخليو تجربة تاء النسوة ناجحه و مبروكه و بنكهة مغربية نتورخوها.
من اللخر……نجيبه العميق كتبقى بنت البلاد و كتخدم مصالح البلاد، و خطوتها كتشرفنا في كل مكان.
حتى لهنا و نوقف حيت ما بغيت حد اقول كنتملق و لا كنشكر، ختريت هذا الموضوع ليوم الجمعه بالضبط باش صح مني نقول لحق.
………انتهى الكلام.
